DRESA vel DRESDA vulgo DRESEN vel DRESDEN

DRESA vel DRESDA, vulgo DRESEN, vel DRESDEN

Misniae in sup. Saxonia caput; opp. situ aspectuqueve am oenissimum, valido murorum circuitu, foveis, ac propugnaculis a Carolo Mag. contra Bohemos, A. C. 800. et postea a Principibus suis, probe munitum; publicorum, privatorumqueve aedificiorum nitore cum praecipuis Misniae urbibus decertat. Ab Albi fluv. qui eam in duas partes secat, irrigatur, cuius margines pons, stupendâ ad longitudinem serie, ex saxo durissimo fornicatus coniungit, habens in citeriore latere Dresam antiquam, frequenti habitatione celebrem. Duces Electores Saxoniae hîc sedem, et Armamentarium amplum posuêrunt, cum arce munitissima. 3. leuc. supra Misnam in Ort. 5. a confin. Bohemiae. Hîc, ortâ, post mortem Melanchthonis, inter Flaccianos et Wittembergenses Theologos; contentione, cui colloquium Aldenburgense A. C. 1568. habitum mederi non potuit, Augustus Elector A. C. 1571. conventum indixit, ubi Consensus Dresdensis conscriptus est, sed et hunc Ienenses Theologi carpebant. Conventum ergo Torgae, et ex Flaccianorum opinione, A. C. 1574. formula Concordiae conscripta est, ad quam approbandam omnes Theologi adacti, Wittembergensibus Professoribus, quod eam recusarent, Primo sub custodiam, dein in exilium missis. Hospinian. l. Con. c. 2. 3. etc. Ibidem Fratribus e Bohemia

eiectis, a Ferdinando II. Imp. tutum hospitium, ut et Pirnae, Electoris Ioh. Georgii benignitate patuit: A. C. 1628. reliquis in Polonia, apud Raphaelem Comitem Lesnensem, Palatinum Belzensem, Lesnae inprimis ac Ulodavia, effugio concesso. Apol. Fratr. contra Sam. Martin. Laetus Comp. Hist. Univers.